ممنوع شکار پر تین شہری گرفتار، اسلحہ اور شکار برآمد

خصوصی فورس برائے ماحولیاتی تحفظ نے شاہ عبدالعزیز رائل ریزرو میں بغیر اجازت شکار کرنے والے تین سعودی شہریوں کو گرفتار کر لیا۔ ان کے قبضے سے شوزن بندوق، ایک ایئر گن، 358 مختلف قسم کی گولیاں اور 117 شکار شدہ جنگلی جانور برآمد ہوئے۔ ان کے خلاف قانونی کارروائی عمل میں لائی گئی ہے۔

فورس نے ماحولیاتی نظام اور اس کے ضوابط کی پابندی کی اہمیت پر زور دیتے ہوئے کہا کہ جنگلی حیات کے شکار پر سخت پابندی ہے۔ شوزن بندوق کے غیر قانونی استعمال پر 100,000 سعودی ریال، بغیر اجازت شکار پر 10,000 ریال، ممنوعہ علاقوں میں شکار پر 5,000 ریال، بغیر اجازت بٹیر کے شکار پر 1,500 ریال اور کبوتر کے شکار پر 1,000 ریال جرمانہ عائد کیا جائے گا۔

فورس نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی خلاف ورزی کا مشاہدہ کریں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔