گھروں میں گیس لیکیج ڈٹیکٹر نصب کرنا ضروری ہے، سول ڈیفنس

سعودی سول ڈیفنس نے اس بات پر زور دیا ہے کہ گھروں میں گیس لیکیج ڈٹیکٹر کی موجودگی نہایت اہم ہے تاکہ اچانک آگ لگنے کے واقعات سے بچا جا سکے، خطرات کم ہوں اور جان و مال کی حفاظت یقینی بنائی جا سکے۔

محکمے نے وضاحت کی کہ گیس لیک ہونے کا شبہ ہو تو حفاظتی اقدامات پر عمل کرنا ضروری ہے، جن میں بجلی کے سوئچ یا کسی بھی ایسی چیز کے استعمال سے گریز کرنا شامل ہے جو آگ کا سبب بن سکتی ہو، گیس کا والو اچھی طرح بند کرنا، کھڑکیاں اور دروازے آہستگی سے کھول کر جگہ کو ہوادار بنانا اور تمام افراد کو فوری طور پر مقام سے باہر نکالنا شامل ہے۔

سول ڈیفنس نے مختلف میڈیا اور سوشل میڈیا پلیٹ فارمز پر جاری کردہ حفاظتی ہدایات اور رہنمائی پر عمل کرنے کی بھی اپیل کی ہے۔

اعرض التغريدة على منصة X

ایمرجنسی کی صورت میں مکہ مکرمہ، مدینہ منورہ، ریاض اور مشرقی ریجن میں 911 جبکہ مملکت کے دیگر علاقوں میں 998 پر فوری رابطہ کرنے کی ہدایت کی گئی ہے۔