وزیر داخلہ کی ہدایت پر بارڈر گارڈز کے 771 اہلکاروں کی ترقی

سعودی بارڈر گارڈز کے ڈائریکٹر جنرل، لیفٹیننٹ جنرل شایع بن سالم الودعانی نے 771 اہلکاروں کو ان کے اگلے عہدوں پر ترقی دینے کے انتظامی احکامات جاری کیے ہیں۔ یہ ترقی مختلف شعبوں کے اہلکاروں کو دی گئی ہے۔

یہ فیصلے وزیر داخلہ شہزادہ عبدالعزیز بن سعود بن نایف بن عبدالعزیز کی ہدایت پر کیے گئے ہیں۔

لیفٹیننٹ جنرل شایع الودعانی نے قیادت کی جانب سے سیکیورٹی اہلکاروں کی سرپرستی اور مسلسل توجہ پر شکریہ اور قدردانی کا اظہار کیا اور وزیر داخلہ کی جانب سے سیکیورٹی اہلکاروں کو ہر شعبے میں دی جانے والی حمایت کو سراہا۔

ڈائریکٹر جنرل نے ترقی پانے والے اہلکاروں کو مبارکباد دی اور ان کے لیے نیک تمناؤں کا اظہار کیا، امید ظاہر کی کہ یہ ترقی ان کے لیے مزید خدمت اور کارکردگی کا باعث بنے گی تاکہ وہ دین، بادشاہ اور وطن کی بہتر خدمت کر سکیں۔