باحہ میں منشیات فروش ایتھوپیائی شہری گرفتار

محکمہ انسداد منشیات نے باحہ ریجن کے ضلع المخواہ میں سرحدی قوانین کی خلاف ورزی کرنے والے ایتھوپیائی شہری کو امفیٹامین جیسی نشہ آور دوا فروخت کرنے کے الزام میں گرفتار کر لیا ہے۔

محکمہ انسداد منشیات نے اپنے ایکس (سابقہ ٹوئٹر) اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی مشکوک سرگرمی کی اطلاع دیں۔ اس مقصد کے لیے مکہ مکرمہ، ریاض اور مشرقی ریجن میں (911) اور مملکت کے دیگر علاقوں میں (999) پر کال کریں۔ اس کے علاوہ محکمہ انسداد منشیات کی ہیلپ لائن (995) یا ای میل [email protected] پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا۔

ایکس پر اصل ٹویٹ دیکھیں