مصر کی سعودی عرب پر حملوں کی شدید مذمت، مکمل حمایت کا اعلان

مصر نے انتہائی سخت الفاظ میں ان حملوں کی مذمت کی ہے جو سعودی عرب پر کیے گئے، جن میں ریاض کے کنگ خالد ایئرپورٹ اور سعودی ایئرلائن کے ایک طیارے کو نشانہ بنایا گیا، جس کے نتیجے میں تین سعودی شہری جاں بحق اور متعدد شہری زخمی ہوئے۔

مصری وزارت خارجہ کے بیان میں کہا گیا ہے کہ مصر ان حملوں کو بین الاقوامی قانون کی کھلی خلاف ورزی سمجھتا ہے اور ان کی مکمل طور پر مذمت کرتا ہے۔ مصر نے اس عزم کا اعادہ کیا کہ وہ سعودی عرب کی سلامتی، خودمختاری اور شہریوں کے تحفظ کے لیے کیے جانے والے ہر اقدام میں مملکت کے ساتھ مکمل یکجہتی رکھتا ہے۔

بیان میں مزید کہا گیا کہ اس نوعیت کے حملے اور فضائی نقل و حمل کو نشانہ بنانا علاقائی و عالمی امن و استحکام کے لیے شدید خطرہ ہے۔

مصر نے سعودی حکومت اور عوام سے دلی تعزیت اور ہمدردی کا اظہار کرتے ہوئے زخمیوں کی جلد صحت یابی کی دعا بھی کی ہے۔