مدینہ منورہ: یمنی باشندے ماحولیاتی قوانین کی خلاف ورزی پر گرفتار

خصوصی فورس برائے ماحولیاتی تحفظ نے مدینہ منورہ میں دو یمنی باشندوں کو ماحولیاتی قوانین کی خلاف ورزی اور قدرتی ذخائر کے غیر قانونی استحصال پر گرفتار کیا ہے۔

فورس کے مطابق، ملزمان کے قبضے سے دو مشینیں برآمد کی گئیں جو مٹی کی کھدائی اور نقل و حمل میں استعمال ہو رہی تھیں۔ یہ کارروائی قدرتی وسائل کے تحفظ اور ماحولیاتی خلاف ورزیوں کی روک تھام کے لیے کی گئی۔

متعلقہ حکام نے بتایا کہ ملزمان کے خلاف رائج قوانین کے مطابق کارروائی عمل میں لائی گئی ہے۔

خصوصی فورس برائے ماحولیاتی تحفظ نے شہریوں پر زور دیا ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں (911) اور دیگر علاقوں میں (999) یا (996) پر دیں۔ فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔