مدینہ منورہ میں بغیر اجازت ماہی گیری کرنے والے 4 فلپائنی گرفتار

مدینہ منورہ ریجن کے ضلع ینبع میں سرحدی محافظوں کی ساحلی گشتی ٹیموں نے چار فلپائنی باشندوں کو بغیر اجازت ماہی گیری کرنے پر گرفتار کر لیا۔ یہ افراد مملکت میں سمندری سرگرمیوں کے لیے مقررہ سکیورٹی اور سیفٹی ضوابط کی خلاف ورزی کر رہے تھے۔ ان کے خلاف متعلقہ اداروں کے ساتھ رابطے میں رہتے ہوئے قانونی کارروائی کی گئی۔

حرس الحدود نے سب کو ہدایت کی ہے کہ آبی حیات کے تحفظ سے متعلق قوانین اور ہدایات کی مکمل پابندی کریں اور اگر کسی کو ماحول یا قدرتی حیات کے خلاف کوئی خلاف ورزی نظر آئے تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 994 پر اطلاع دیں۔ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔