یمنی باشندوں کے لیے اصلاحی عمل سے فائدہ اٹھانے کی شرط

وزارت داخلہ نے واضح کیا ہے کہ یمنی باشندوں کے لیے اصلاحی عمل سے فائدہ اٹھانے کے لیے یمنی پاسپورٹ کا ہونا لازمی ہے۔ وزارت نے مزید کہا کہ اصلاحی عمل کے آغاز کی تاریخ اور اس کے ضوابط کا اعلان جلد ہی محکمہ پاسپورٹ اور متعلقہ اداروں کے سرکاری اکاؤنٹس کے ذریعے کیا جائے گا۔

یاد رہے کہ وزارت نے مملکت میں غیر قانونی طور پر مقیم تمام یمنی باشندوں کے حالات درست کرنے کے اقدامات کا آغاز خادم الحرمین الشریفین شاہ سلمان بن عبدالعزیز آل سعود کی ہدایت پر کیا ہے، جو یمن کی صدارتی قیادت کونسل کے سربراہ ڈاکٹر رشاد محمد العلیمی کی درخواست پر عمل میں آیا۔

وزارت نے مزید وضاحت کی کہ یہ اقدام وزارت خارجہ، وزارت افرادی قوت و سماجی ترقی اور سعودی ڈیٹا و آرٹیفیشل انٹیلی جنس اتھارٹی (سدایا) کے تعاون سے کیا جا رہا ہے، جو سعودی عرب کی جانب سے یمنی عوام کے لیے مسلسل حمایت اور برادرانہ موقف کا تسلسل ہے۔