جازان میں موسلا دھار بارش اور تیز ہواؤں کی پیش گوئی

قومی مرکز برائے موسمیات نے بدھ کو جازان ریجن میں درمیانے سے شدید درجے کی بارش اور تیز رفتار ہواؤں کی پیش گوئی کرتے ہوئے خبردار کیا ہے، جس کے باعث افقی حدِ نگاہ تقریباً نہ ہونے کے برابر ہو سکتی ہے۔

مرکز کے مطابق اس موسمی صورتحال میں ژالہ باری، سیلابی ریلے اور گرج چمک کے ساتھ بجلی گرنے کا امکان ہے۔ اس کا اثر جازان شہر سمیت متعدد اضلاع پر پڑے گا، جن میں الحرث، الدائر (بنی مالک)، الریث، العارضة، العیدابی، فیفا، ہروب، الطوال، صامطہ، احد المسارحة، ابو عریش، ضمد، صبیا، الدرب، بیش، مرکز الفطیحہ اور جزیرہ فرسان شامل ہیں۔

مرکز نے بتایا کہ یہ موسمی کیفیت آج رات 9 بجے تک برقرار رہنے کا امکان ہے۔