سعودی شہری دفاع کی موسمی الرٹ پر احتیاط کی اپیل

سعودی شہری دفاع کی جنرل ڈائریکٹوریٹ نے مکہ مکرمہ، جازان، باحہ اور عسیر میں جاری موسمی صورتحال کے باعث شہریوں کو احتیاط برتنے اور جاری کردہ ہدایات پر عمل کرنے کی اپیل کی ہے۔ یہ انتباہ قومی مرکز برائے موسمیات کی جانب سے جاری کردہ سرخ الرٹ کے بعد جاری کیا گیا ہے۔

شہری دفاع نے اپنے سرکاری ایکس اکاؤنٹ پر بتایا کہ ان علاقوں میں موسلا دھار بارشیں متوقع ہیں، اس لیے شہری زیادہ سے زیادہ احتیاط کریں اور پانی کے جمع ہونے والے مقامات، وادیوں اور ڈیموں کے قریب جانے سے گریز کریں تاکہ عوامی سلامتی یقینی بنائی جا سکے۔

شہری دفاع نے بارش کے دوران حفاظتی ہدایات پر عمل کرنے اور سیلابی ریلوں کو عبور کرنے سے گریز کرنے کی اہمیت پر بھی زور دیا ہے۔