شرقیہ میں مصری شہری میتھامفیٹامین فروخت کرتے گرفتار

شرقیہ ریجن میں جنرل ڈائریکٹوریٹ آف مجاہدین کی ٹیم نے ایک مصری مقیم کو میتھامفیٹامین جیسی منشیات فروخت کرنے پر گرفتار کر لیا ہے۔

ادارے نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور معاملہ متعلقہ ادارے کے سپرد کر دیا گیا ہے۔

سکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع دیں۔ مکہ مکرمہ، ریاض اور شرقیہ ریجن میں 911 اور دیگر علاقوں میں 999 پر رابطہ کریں، جبکہ جنرل ڈائریکٹوریٹ آف نارکوٹکس کنٹرول کے لیے 995 یا ای میل [email protected] پر اطلاع دیں۔ تمام اطلاعات کو مکمل رازداری کے ساتھ نمٹایا جائے گا۔