قطر کی ریاض پر حوثی حملوں کی شدید مذمت

قطر نے ریاض پر حوثی گروپ کے بیلسٹک میزائل حملے اور بیشر، طائف، فرسان اور ينبع میں شہریوں اور شہری تنصیبات کو نشانہ بنانے کی کوششوں کی شدید الفاظ میں مذمت کی ہے۔

قطری وزارت خارجہ نے آج ایک سرکاری بیان میں کہا ہے کہ یہ حملے جارحانہ اور قابل مذمت رویہ ہیں، جو شہریوں کی جانوں سے کھلا کھلواڑ اور سعودی عرب کی خودمختاری کی صریح خلاف ورزی اور بین الاقوامی قوانین کی پامالی ہیں۔

وزارت نے شہریوں اور شہری املاک پر حملوں کو مکمل طور پر مسترد کرتے ہوئے ان غیر ذمہ دارانہ کارروائیوں کے فوری خاتمے کی ضرورت پر زور دیا۔

قطری وزارت خارجہ نے سعودی عرب کے ساتھ مکمل یکجہتی اور اس کی خودمختاری، سلامتی، ارضی سالمیت اور مفادات کے تحفظ کے لیے ہر جائز اقدام کی حمایت کا اعادہ کیا۔ بیان میں کہا گیا کہ سعودی عرب کا تحفظ قطر اور خلیجی تعاون کونسل کے اجتماعی سلامتی نظام کا حصہ ہے۔

اعرض التغريدة على منصة X