العلا کی چٹانی فن پارے انسانی تاریخ کا دستاویزی ریکارڈ ہیں

ماہر آثار قدیمہ اور مجلس شوریٰ کے رکن ڈاکٹر علی الغبان نے کہا ہے کہ العلا میں چٹانوں پر کندہ فن پارے انسانی زندگی کے مختلف ادوار کا دستاویزی ریکارڈ ہیں، جو عہدِ نو پتھر سے لے کر موجودہ دور کے قریب تک کے حالات کو محفوظ کرتے ہیں۔

انہوں نے الاخباریہ چینل سے گفتگو میں مزید کہا کہ ان چٹانوں پر کندہ مختلف مناظر سے قدیم طرزِ زندگی، رہن سہن، جنگلی حیات اور اس دور کے موسمی و ماحولیاتی حالات جاننے میں مدد ملتی ہے۔

شہزادہ بدر بن عبداللہ کی زیرنگرانی العلا کی شاہی اتھارٹی نے "آثار العلا" کے عنوان سے ایک وسیع تعارفی مہم شروع کی ہے، جس میں آثار قدیمہ کے سروے کے نتائج پیش کیے جا رہے ہیں۔ ان میں 19,802 چٹانی فن پارے دستاویزی شکل میں محفوظ کیے گئے ہیں، جن میں 66 ہزار سے زائد جانوروں اور تقریباً 11 ہزار انسانی اشکال کی تصاویر شامل ہیں۔

ایکس پر اصل پوسٹ دیکھیں