ریاض، الخرج اور نجران میں خطرہ ٹل گیا، شہری دفاع کا اعلان

سعودی محکمہ شہری دفاع نے اعلان کیا ہے کہ ریاض، الخرج اور نجران میں خطرہ ٹل گیا ہے۔ یہ اعلان جمعرات کی شام ہنگامی حالات میں ابتدائی وارننگ کے لیے قومی پلیٹ فارم کے ذریعے الرٹ جاری ہونے کے بعد کیا گیا۔

شہری دفاع نے شہریوں سے اپیل کی ہے کہ وہ اپنی سلامتی کے لیے اس کی ہدایات پر عمل جاری رکھیں، ہجوم اور فوٹوگرافی سے مکمل طور پر گریز کریں اور کسی بھی ہنگامی صورت میں 911 پر رابطہ کریں۔

محکمہ نے خبردار کیا ہے کہ میزائل یا ڈرون حملوں اور ان کے گرنے کی جگہوں سے متعلق تصاویر یا معلومات لینا، شائع کرنا یا پھیلانا قانونی کارروائی کا باعث بن سکتا ہے۔