دمام میں درجہ حرارت 49 ڈگری، ابہا میں سب سے کم

قومی مرکز برائے موسمیات نے بعض سعودی شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق دمام میں سب سے زیادہ درجہ حرارت 49 ڈگری سینٹی گریڈ جبکہ ابہا میں سب سے کم 20 ڈگری سینٹی گریڈ ریکارڈ کیا گیا۔

مرکز نے اپنی سرکاری ویب سائٹ پر بتایا کہ آج متوقع زیادہ سے زیادہ درجہ حرارت دمام میں 49، ریاض میں 47، مکہ مکرمہ میں 45، جدہ میں 42 اور مدینہ منورہ میں 43 ڈگری سینٹی گریڈ رہے گا۔

اس کے علاوہ ابہا میں 31، عرعر میں 41، نجران میں 42، تبوک اور جازان میں 37 ڈگری سینٹی گریڈ زیادہ سے زیادہ درجہ حرارت متوقع ہے۔

کم سے کم درجہ حرارت کی بات کی جائے تو ابہا میں 20، الباحہ میں 22، ریاض میں 31، مکہ مکرمہ میں 34، مدینہ منورہ اور جدہ میں 30، نجران میں 28، جازان میں 33 اور تبوک میں 27 ڈگری سینٹی گریڈ ریکارڈ کیا گیا۔