نجران میں اتحادی فورسز کا ہیلی کاپٹر گر کر تباہ، عملہ شہید

اتحادی افواج برائے حمایتِ حکومتِ یمن کے ترجمان میجر جنرل ترکی المالکی نے بتایا ہے کہ سعودی علاقے نجران میں وزارتِ نیشنل گارڈ کا ایک (AH-6i) قسم کا جاسوس ہیلی کاپٹر فنی خرابی کے باعث گر کر تباہ ہوگیا۔ حادثے کے نتیجے میں اس کے فضائی عملے کے دو افسران شہید ہوگئے۔ اللہ ان پر اپنی رحمت فرمائے۔

ہم اللہ تعالیٰ سے دعا گو ہیں کہ وہ شہداء کو اپنی جوارِ رحمت میں جگہ دے، انہیں اپنے مقبول شہداء میں شامل کرے اور ان کے اہل خانہ کو صبر جمیل عطا فرمائے۔ انا للہ وانا الیہ راجعون۔