تبوک میں خون کے عطیے کے 8 مراکز مقرر

تبوک ہیلتھ کلسٹر نے خطے کے مختلف اسپتالوں میں خون کے عطیے کے لیے آٹھ مقامات مقرر کیے ہیں، اس کے علاوہ تبوک شہر کے پارک مال میں خون عطیہ کرنے والی موبائل وین بھی شامل ہے۔ اس اقدام کا مقصد خون عطیہ کرنے کی ثقافت کو فروغ دینا اور عطیہ دہندگان کے لیے مراکز تک رسائی کو آسان بنانا ہے۔

ہیلتھ کلسٹر کے مطابق صبح کے اوقات میں خون عطیہ کرنے کی سہولت ہفتے کے تمام دنوں میں صبح 9 بجے سے سہ پہر 3 بجے تک دستیاب ہے۔ یہ سہولت کنگ خالد، کنگ فہد اسپیشلسٹ، زچگی و بچوں کے اسپتال، تِیماء، املج، ضباء اور الوجہ کے اسپتالوں میں فراہم کی گئی ہے۔

مزید بتایا گیا کہ شام کے اوقات پارک مال میں موجود خون عطیہ کرنے والی موبائل وین کے لیے مخصوص ہیں، جہاں شام 5 بجے سے رات 10 بجے تک خون عطیہ کیا جا سکتا ہے۔

تبوک ہیلتھ کلسٹر نے یہ بھی بتایا کہ خون عطیہ کرنے کے لیے 'صحتی' ایپ کے ذریعے پیشگی وقت لیا جا سکتا ہے۔ ساتھ ہی، شہریوں سے اپیل کی گئی ہے کہ وہ خون عطیہ کرنے میں بڑھ چڑھ کر حصہ لیں اور خون کے بینکوں کے ذخائر کو مضبوط بنانے اور مریضوں کی ضروریات پوری کرنے میں اپنا کردار ادا کریں۔