عسیر میں بغیر اجازت کیمپنگ پر شہری کے خلاف کارروائی

ماحولیات کی خصوصی فورس نے عسیر ریجن میں ایک شہری کو بغیر اجازت کیمپنگ کرنے پر گرفتار کیا ہے اور اس کے خلاف ماحولیاتی نظام کے تحت قانونی کارروائی کی جا رہی ہے۔

فورس کے مطابق، جنگلات یا قومی پارکس میں بغیر اجازت کیمپنگ کرنا خلاف ورزی ہے جس پر 3,000 سعودی ریال تک جرمانہ عائد کیا جا سکتا ہے۔

فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع دیں۔ مکہ مکرمہ، مدینہ منورہ، ریاض اور مشرقی ریجن میں اس مقصد کے لیے 911 نمبر مختص ہے۔

اعرض التغريدة على منصة X

مملکت کے دیگر علاقوں میں شہری 999 یا 996 پر بھی اطلاع دے سکتے ہیں۔ فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔