امام ترکی بن عبداللہ محمیہ میں ممنوعہ چراگاہ میں اونٹ چرانے پر شہری گرفتار

ماحولیات کے تحفظ کے لیے خصوصی فورس نے ایک شہری کو گرفتار کیا ہے جس نے امام ترکی بن عبداللہ شاہی محمیہ کے ممنوعہ علاقے میں 20 اونٹ چرائے تھے۔ اس کے خلاف ضابطے کے مطابق کارروائی کی گئی۔

فورس کے مطابق ممنوعہ علاقوں میں اونٹ چرانے پر ہر اونٹ کے حساب سے 500 سعودی ریال جرمانہ عائد کیا جاتا ہے۔ فورس نے واضح کیا کہ ماحول اور قدرتی محمیات کے تحفظ کے لیے قوانین پر عمل درآمد جاری رہے گا۔

اعرض التغريدة على منصة X

خصوصی فورس نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ فورس نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔