ریاض میں کینیا کے تین غیرملکی منشیات فروش گرفتار

ریاض میں جنرل ڈائریکٹوریٹ برائے انسداد منشیات نے کینیا سے تعلق رکھنے والے تین غیرملکیوں کو 17 کلوگرام چرس فروخت کرنے کے الزام میں گرفتار کر لیا۔

انسداد منشیات کے ادارے نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی اطلاع کے لیے مکہ مکرمہ، مدینہ منورہ، ریاض اور مشرقی ریجن میں 911، جبکہ دیگر علاقوں میں 999 یا 994 پر رابطہ کریں، یا جنرل ڈائریکٹوریٹ برائے انسداد منشیات کے نمبر 995 یا ای میل ([email protected]) پر اطلاع دیں۔ ادارے نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔

ایکس پر اصل پوسٹ دیکھیں