جرائم کی روک تھام کیلئے پیشگی اقدامات پر توجہ: ڈائریکٹر جنرل پبلک سکیورٹی

ڈائریکٹر جنرل پبلک سکیورٹی، لیفٹیننٹ جنرل محمد البسامی نے کہا ہے کہ ہم جرائم کی روک تھام کے لیے پیشگی اشاروں کی پیمائش پر منتقل ہو چکے ہیں۔

البسامی نے وزارت داخلہ کے زیر اہتمام منعقدہ "حوار الأمن والتاريخ 2026" کانفرنس کے دوران مزید کہا کہ وزیر داخلہ شہزادہ عبدالعزیز بن سعود بن نایف بن عبدالعزیز کی ہدایت پر ہم اس اصول سے آگے بڑھ رہے ہیں کہ اب جرم کے بعد کارروائی کے بجائے اس کی پیشگی روک تھام پر توجہ دی جائے۔

یہ کانفرنس قومی سطح پر مکالمے اور فکری و تاریخی تبادلہ خیال کا پلیٹ فارم ہے، جس میں مملکت کی سلامتی اور ترقی کے سفر، ریاست کے تجربات اور اس میں آنے والی تبدیلیوں پر مختلف زاویوں سے گفتگو کی جاتی ہے، جن میں سکیورٹی، سیاست، معیشت، معاشرہ، ثقافت، قومی شناخت، شعور، بین الاقوامی تعلقات اور ادارہ سازی شامل ہیں۔