ماحولیاتی قوانین کی خلاف ورزی: امام ترکی بن عبداللہ ریزرو میں شہری گرفتار

خصوصی فورس برائے ماحولیاتی تحفظ نے ایک شہری کو امام ترکی بن عبداللہ شاہی ریزرو میں ممنوعہ مقامات پر دس اونٹ چرانے کے الزام میں گرفتار کیا ہے۔

متعلقہ حکام نے خلاف ورزی کرنے والے شہری کے خلاف قانونی کارروائی کی ہے، جبکہ فورس نے واضح کیا کہ ممنوعہ علاقوں میں اونٹ چرانے پر ہر اونٹ کے لیے 500 سعودی ریال جرمانہ عائد کیا جاتا ہے۔

خصوصی فورس برائے ماحولیاتی تحفظ نے شہریوں پر زور دیا ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 پر، جبکہ مملکت کے دیگر علاقوں میں 999 یا 996 پر دیں۔

فورس نے یہ بھی وضاحت کی کہ تمام شکایات کو مکمل رازداری کے ساتھ نمٹایا جاتا ہے اور اطلاع دینے والے پر کوئی ذمہ داری عائد نہیں ہوتی۔