دمام میں درجہ حرارت 47 ڈگری، ابہا سب سے ٹھنڈا شہر

قومی مرکز برائے موسمیات نے ملک کے بعض شہروں میں زیادہ اور کم درجہ حرارت کی پیش گوئی کی ہے۔ مرکز کے مطابق دمام میں آج سب سے زیادہ درجہ حرارت 47 ڈگری سینٹی گریڈ جبکہ ابہا میں سب سے کم 18 ڈگری سینٹی گریڈ ریکارڈ ہونے کا امکان ہے۔

مرکز نے اپنی ویب سائٹ پر بتایا کہ آج متوقع زیادہ درجہ حرارت دمام میں 47، مدینہ منورہ میں 46، ریاض میں 44، مکہ مکرمہ میں 42 اور جدہ میں 39 ڈگری سینٹی گریڈ رہے گا۔

اسی طرح ابہا میں 30، تبوک میں 40، بریدہ میں 45، حائل میں 42، باحہ میں 28، عرعر میں 43، جازان میں 38 اور نجران میں 40 ڈگری سینٹی گریڈ زیادہ درجہ حرارت متوقع ہے۔

کم سے کم درجہ حرارت کے حوالے سے مرکز نے بتایا کہ ابہا میں 18، باحہ میں 20، ریاض میں 29، مکہ مکرمہ، مدینہ منورہ اور جدہ میں 32، نجران میں 25، جازان میں 33 اور تبوک میں 26 ڈگری سینٹی گریڈ رہنے کا امکان ہے۔