سعودی عرب کے کئی علاقوں میں گرج چمک کے ساتھ بارشیں جاری رہیں گی

قومی مرکز برائے موسمیات نے اعلان کیا ہے کہ سعودی عرب کے بعض علاقوں میں گرج چمک کے ساتھ بارشوں کا سلسلہ کل پیر سے جمعہ تک جاری رہے گا۔

مرکز نے اپنے ایکس اکاؤنٹ پر بتایا کہ جازان، عسیر، الباحہ اور مکہ مکرمہ کے پہاڑی علاقوں میں درمیانے سے شدید بارشیں متوقع ہیں، جبکہ بدھ کے روز جازان اور عسیر کے بعض حصوں میں بارش کی شدت میں اضافہ ہوگا۔ اس کے علاوہ نجران میں ہلکی سے درمیانی بارشیں متوقع ہیں۔

مرکز کے مطابق ان دنوں بارشوں کے ساتھ کئی موسمی مظاہر بھی دیکھنے میں آئیں گے جن میں تیز ہوائیں، ژالہ باری، سمندر میں بلند لہریں اور سیلابی ریلے شامل ہیں۔