حوثی حملے خطے کے استحکام کے لیے سنگین خطرہ ہیں: ہسپانوی وزیر خارجہ

ہسپانوی وزیر خارجہ خوسے مانوئل الباریس نے سعودی عرب اور یمن میں حوثی حملوں کی شدید مذمت کی ہے۔

ہسپانوی وزیر خارجہ نے مزید کہا کہ سعودی عرب اور یمن میں حوثی حملے خطے کے استحکام کے لیے سنگین خطرہ ہیں۔

یہ بیان عرب اور عالمی سطح پر حوثی خطرات کے خلاف مشترکہ موقف کے تناظر میں سامنے آیا ہے۔ عرب لیگ کے سیکریٹریٹ جنرل نے بھی حوثی ملیشیا کی جانب سے سعودی شہروں میں متعدد شہری و اقتصادی تنصیبات کو نشانہ بنانے کے مسلسل واقعات کی مذمت کی ہے۔

دوسری جانب، یمنی مسلح افواج کے ترجمان کرنل ماجد النزیلی نے اعلان کیا ہے کہ فضائیہ نے حوثی ملیشیا کے خلاف کارروائیاں شروع کر دی ہیں اور شہریوں سے اپیل کی ہے کہ وہ (تعز – المخا) اور (المخا – ذو باب) روڈ استعمال کرنے سے فی الحال گریز کریں۔