عسیر: غیرمجاز مقام پر آگ لگانے پر شہری گرفتار

خصوصی ماحولیاتی سکیورٹی فورس نے عسیر میں ایک شہری کو ماحولیات کے ضوابط کی خلاف ورزی پر گرفتار کر کے اس کے خلاف قانونی کارروائی شروع کر دی ہے۔ مذکورہ شہری نے نباتاتی ماحول کے تحفظ سے متعلق ہدایات کی خلاف ورزی کرتے ہوئے غیرمجاز مقام پر آگ لگائی تھی۔

فورس کے مطابق اس خلاف ورزی پر مقررہ قانونی کارروائی عمل میں لائی جائے گی، اور ماحولیات و نباتاتی تحفظ کے قوانین پر عمل درآمد کا سلسلہ جاری رہے گا۔

بیان میں مزید کہا گیا ہے کہ جنگلات اور قومی پارکوں میں مخصوص مقامات کے علاوہ آگ لگانے پر 3,000 سعودی ریال تک جرمانہ عائد کیا جا سکتا ہے۔

اعرض التغريدة على منصة X

ماحولیاتی سکیورٹی فورس نے شہریوں سے اپیل کی ہے کہ اگر وہ ماحول یا جنگلی حیات کے خلاف کسی بھی قسم کی خلاف ورزی دیکھیں تو مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔ فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔