ریاض و حائل میں منشیات فروشی پر سعودی شہری اور پاکستانی گرفتار

سعودی محکمہ انسداد منشیات نے ریاض میں ایک شہری کو چار کلو گرام حشیش، طبی نگرانی میں آنے والی گولیاں اور ایمفیٹامین جیسی نشہ آور اشیا فروخت کرنے کے الزام میں گرفتار کیا ہے۔ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پراسیکیوشن کے حوالے کر دیا گیا ہے۔

ایکس پر مکمل خبر دیکھیں

اسی طرح محکمہ انسداد منشیات نے حائل میں مقیم ایک پاکستانی شہری کو ایک اعشاریہ دو کلو گرام میتھ ایمفیٹامین (شبو) فروخت کرنے کے الزام میں گرفتار کیا ہے۔ اسے بھی حراست میں لے کر قانونی کارروائی کے بعد پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیم افراد سے اپیل کی ہے کہ اگر انہیں منشیات کی اسمگلنگ یا فروخت سے متعلق کوئی معلومات ملیں تو وہ مکہ مکرمہ، مدینہ منورہ، ریاض اور مشرقی ریجن میں (911)، دیگر علاقوں میں (999) یا (994)، اور محکمہ انسداد منشیات کی ہیلپ لائن (995) یا ای میل (Email:[email protected]) پر اطلاع دیں۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہو گی۔