سعودی قیادت کی ازبک صدر کو یوم آزادی پر مبارکباد

خادم الحرمین الشریفین شاہ سلمان بن عبدالعزیز آل سعود نے جمہوریہ ازبکستان کے صدر شوکت مرزیایوف کو ان کے ملک کے یوم آزادی کے موقع پر تہنیتی پیغام بھیجا ہے۔

شاہ سلمان نے صدر مرزیایوف کے لیے نیک تمناؤں اور صحت و خوشی کی دعا کی، جبکہ ازبک حکومت اور عوام کے لیے ترقی اور خوشحالی کی خواہش کا اظہار کیا۔

اسی مناسبت سے ولی عہد و وزیراعظم شہزادہ محمد بن سلمان بن عبدالعزیز آل سعود نے بھی صدر شوکت مرزیایوف کو یوم آزادی پر مبارکباد کا پیغام بھیجا۔

ولی عہد نے صدر مرزیایوف کی صحت و خوشی اور ازبک حکومت و عوام کے لیے مزید ترقی و خوشحالی کی دعا کی۔