جدہ بندرگاہ سے چین کیلئے نئی شپنگ سروس کا آغاز

سعودی بندرگاہوں کی جنرل اتھارٹی نے چین اور سعودی عرب کے درمیان بحری رابطے کو مضبوط بنانے کیلئے Hizone Group کی China Saudi Express (CSE) شپنگ سروس کو جدہ اسلامی بندرگاہ میں شامل کرنے کا اعلان کیا ہے۔

اتھارٹی نے اپنے ایکس اکاؤنٹ پر بتایا کہ یہ سروس دونوں ممالک کے درمیان تجارتی سرگرمیوں کو فروغ دینے، آپریشنل کارکردگی بہتر بنانے اور سعودی بندرگاہوں کی مسابقت کو بڑھانے میں معاون ہوگی۔

چند روز قبل سعودی بندرگاہوں کی جنرل اتھارٹی نے یہ بھی بتایا تھا کہ جدہ اسلامی بندرگاہ نے یونائیٹڈ شوگر کمپنی کے تعاون سے پہلی بڑی مال بردار جہاز (NKR ALICE) کو خوش آمدید کہا، جس میں 60 ہزار ٹن چینی لدی ہوئی تھی۔