سعودی سفیر نے شام کے صدر کو اسنادِ سفارت پیش کیں

سعودی عرب کے سفیر غازی بن رافع العنزی نے شام کے صدر احمد الشرع کو اپنی اسنادِ سفارت پیش کیں۔ یہ تقریب دمشق میں سرکاری طور پر منعقد ہوئی۔

اس موقع پر سفیر العنزی نے خادم الحرمین الشریفین شاہ سلمان بن عبدالعزیز اور ولی عہد و وزیراعظم شہزادہ محمد بن سلمان کی جانب سے صدر شام کو خیرسگالی کے پیغامات اور نیک تمنائیں پہنچائیں۔

سفیر نے سعودی قیادت کی طرف سے شام کے لیے مزید ترقی اور خوشحالی کی خواہش کا بھی اظہار کیا۔