سعودی عرب کی اسرائیلی حملوں کی شدید مذمت

سعودی وزارت خارجہ نے اسرائیلی قابض افواج کی جانب سے شام کے صوبہ ادلب میں واقع ابو الظہور فوجی ایئرپورٹ پر کیے گئے فضائی حملوں کی شدید ترین الفاظ میں مذمت کی ہے، جنہیں بین الاقوامی قانون اور شامی عرب جمہوریہ کی خودمختاری کی صریح خلاف ورزی قرار دیا گیا ہے۔

وزارت نے اپنے بیان میں کہا: "مملکت اس کھلے حملے کو مسترد کرتی ہے اور ایک بار پھر عالمی برادری سے مطالبہ کرتی ہے کہ اسرائیل کی جانب سے بین الاقوامی قوانین اور روایات کی خلاف ورزیوں کو روکا جائے۔ سعودی عرب شام کے ساتھ مکمل یکجہتی اور اس کی خودمختاری، سرزمین کی سلامتی و وحدت اور شامی عوام کے امن و استحکام کے لیے ہر ممکن حمایت کا اعادہ کرتا ہے۔"