جازان: یمنی شہریوں کی قات اسمگلنگ کی کوشش ناکام، تین گرفتار

جازان کے الحُرث سیکٹر میں بارڈر گارڈز کی زمینی گشتی ٹیموں نے سرحدی سکیورٹی قوانین کی خلاف ورزی کرنے والے تین یمنی شہریوں کو 82 کلو گرام نشہ آور قات اسمگل کرنے کی کوشش پر گرفتار کرلیا۔

بارڈر گارڈز نے اپنے ایکس اکاؤنٹ پر بتایا کہ گرفتار افراد کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کردیا گیا ہے۔

ایکس پر اصل خبر دیکھیں

سکیورٹی اداروں نے شہریوں اور مقیم افراد سے اپیل کی ہے کہ وہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور شرقیہ ریجنز میں (911) اور باقی علاقوں میں (999) یا (994) پر رابطہ کریں۔ اس کے علاوہ، جنرل ڈائریکٹوریٹ آف نارکوٹکس کنٹرول کے ہیلپ لائن (995) یا ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔