ولی عہد کو اردن کے بادشاہ کا اہم پیغام موصول

سعودی ولی عہد و وزیراعظم شہزادہ محمد بن سلمان کو اردن کے بادشاہ عبداللہ دوم ابن حسین کی جانب سے دو طرفہ تعلقات سے متعلق ایک تحریری پیغام موصول ہوا ہے۔

یہ پیغام سعودی وزارت خارجہ کے بین الاقوامی امور کے نائب وزیر اور اقتصادی و ترقیاتی امور کے نگران ڈاکٹر عبدالرحمن الرسی نے آج ریاض میں وزارت کے دفتر میں اردن کے سفیر ڈاکٹر ہيثم ابو الفول سے ملاقات کے دوران وصول کیا۔

اس موقع پر دونوں ملکوں کے درمیان تعلقات اور باہمی دلچسپی کے امور پر بھی تبادلہ خیال کیا گیا۔