عمان کی سعودی شہروں پر حملوں کی مذمت

سلطنت عمان نے سعودی عرب کے متعدد شہروں میں شہری اور معاشی تنصیبات پر ہونے والے حملوں کی شدید مذمت کی ہے اور مملکت کے ساتھ مکمل یکجہتی کا اظہار کیا ہے۔

عمان نے شہریوں، شہری تنصیبات اور تجارتی جہازوں کو نشانہ بنانے کی سختی سے مخالفت کی ہے اور کہا ہے کہ اس طرح کے اقدامات سمندری نقل و حمل کے امن و سلامتی کے لیے خطرہ ہیں۔

سلطنت عمان نے کشیدگی پر قابو پانے، حالات کو پُرامن بنانے اور سیاسی و سفارتی حل کے لیے سازگار ماحول فراہم کرنے کی ضرورت پر زور دیا ہے تاکہ خطے کے امن و استحکام کو یقینی بنایا جا سکے۔