مرکز شاہ سلمان کا غزہ میں 25 ہزار غذائی پیکٹ تقسیم

مرکز شاہ سلمان برائے امداد و انسانی خدمات نے سعودی عوامی مہم کے تحت غزہ کے سب سے زیادہ ضرورت مند طبقات میں گرم کھانے تقسیم کرنے کا سلسلہ جاری رکھا ہے۔

منتظمین کے مطابق، مرکز کے مرکزی کچن نے گزشتہ روز وسطی اور جنوبی غزہ میں 25 ہزار گرم غذائی پیکٹ تقسیم کیے، جن سے 25 ہزار افراد نے استفادہ کیا۔

مرکز نے واضح کیا کہ یہ اقدام مملکت سعودی عرب کی جانب سے ضرورت مند اور متاثرہ اقوام کی بلا امتیاز امداد کے تسلسل کا حصہ ہے۔

اسی سلسلے میں مرکز نے اس بات کی بھی تصدیق کی کہ کھانے کی تقسیم جاری امدادی منصوبوں کا حصہ ہے، جن کا مقصد مختلف بحرانوں میں فلسطینی عوام کی مشکلات کم کرنا ہے۔