سعودی ٹیم کی عراق پر فتح، گروپ میں سرفہرست

سعودی فٹبال ٹیم نے خلیجی 27 کے گروپ مرحلے میں منگل کی شب عراق کو 0-2 سے شکست دے کر اپنی گروپ میں سرفراست پوزیشن برقرار رکھی۔ سعودی ٹیم پہلے ہی گزشتہ میچ کے بعد سیمی فائنل میں رسائی یقینی بنا چکی تھی۔

سعودی ٹیم نے میچ کا پہلا گول 54ویں منٹ میں اس وقت کیا جب عبداللہ آل سالم نے عراقی گول کیپر سے واپس آنے والی گیند کو جال میں پہنچا دیا۔

عبداللہ الحمدان نے 69ویں منٹ میں دوسرا گول اس وقت کیا جب انہوں نے پنالٹی ایریا میں گیند وصول کر کے بائیں پاؤں سے گول کر دیا، جس سے سعودی ٹیم کی برتری مزید مستحکم ہو گئی۔

عراقی ٹیم نے 38ویں منٹ میں سعودی گول پر خطرناک حملہ کیا، جب سیف رشید گول کیپر محمد العويس کے سامنے آ گئے، تاہم ریفری نے اس حملے کو آف سائیڈ قرار دے دیا۔

پہلے ہاف کے اختتام سے قبل عراقی کھلاڑی مصطفی سعدون شدید چوٹ لگنے کے باعث میدان سے باہر چلے گئے اور ان کی جگہ ابراہیم بایش کو میدان میں اتارا گیا۔

دوسرے ہاف کے آغاز پر سعودی کوچ دونیس نے پہلا تبدیلی کرتے ہوئے محمد القحطانی کو محمد ابو الشامات کی جگہ میدان میں اتارا، جبکہ 59ویں منٹ میں صالح ابو الشامات اور فراس البریکان کو عبداللہ آل سالم اور سلطان مندش کی جگہ کھیلنے کا موقع دیا۔