بارسلونا اور الہلال میں جواو کانسیلو کی منتقلی پر مذاکرات حتمی مرحلے میں

اسپین کے معروف فٹبال کلب بارسلونا نے سعودی کلب الہلال سے پرتگالی کھلاڑی جواو کانسیلو کی شمولیت کے لیے مذاکرات جاری رکھے ہوئے ہیں، اور توقع ظاہر کی جا رہی ہے کہ معاہدہ جلد مکمل ہو جائے گا۔

ٹرانسفر مارکیٹ کے ماہر اطالوی صحافی فابریزیو رومانو کے مطابق دونوں کلبوں کے درمیان بات چیت تاحال جاری ہے، جبکہ جواو کانسیلو صرف بارسلونا میں کھیلنے کے خواہشمند ہیں۔

رومانو نے مزید بتایا کہ اگرچہ جولائی میں اس معاہدے کے قریب پہنچنے کی خبریں سامنے آئی تھیں، تاہم اس وقت معاہدہ طے نہیں پایا تھا، لیکن اب حالات اس جانب اشارہ کر رہے ہیں کہ جلد ہی اس کا باضابطہ اعلان ہو جائے گا۔

اعرض التغريدة على منصة X

واضح رہے کہ جواو کانسیلو گزشتہ ٹرانسفر ونڈو میں الہلال کا حصہ بنے تھے اور بارسلونا کی جانب سے ان کی دفاعی لائن کو مضبوط بنانے میں مسلسل دلچسپی ظاہر کی جا رہی ہے۔