نیوکاسل کی ٹوٹنہم پر دو صفر سے فتح

نیوکاسل یونائیٹڈ نے آج پریمیئر لیگ کے دوسرے راؤنڈ میں ٹوٹنہم کو اس کے ہوم گراؤنڈ پر دو صفر سے شکست دی۔

اس کامیابی کے بعد نیوکاسل یونائیٹڈ کے پوائنٹس چار ہو گئے ہیں اور اب وہ اگلے ہفتے ہفتہ کے روز تیسرے راؤنڈ میں بورنمتھ کی میزبانی کرے گا۔

دوسری جانب ٹوٹنہم مسلسل دوسری شکست کے بعد اب تک کوئی پوائنٹ حاصل نہیں کر سکا۔ اس نے اگرچہ لیگ کپ میں چارلٹن کو پانچ ایک سے ہرا کر برینٹفورڈ کے خلاف پہلی شکست کا ازالہ کیا تھا، لیکن اس جیت کا فائدہ نہ اٹھا سکا۔