کرسٹیانو رونالڈو نے پرتگالی ٹیم کا کیمپ چھوڑنے کا اعلان کر دیا

النصر اور پرتگال کے معروف فٹبالر کرسٹیانو رونالڈو نے اعلان کیا ہے کہ وہ اپنی قومی ٹیم کے کیمپ سے روانہ ہو رہے ہیں۔ یہ غیر متوقع فیصلہ ٹیم کے ہیڈ کوچ جورجی جیسوس کی پریس کانفرنس کے بعد سامنے آیا، جس کے بعد اس فیصلے کی وجوہات پر چہ مگوئیاں جاری ہیں۔

رونالڈو نے اپنے آفیشل انسٹاگرام اکاؤنٹ پر ایک بیان جاری کیا، جس میں انہوں نے اپنے فیصلے کی تفصیلات بیان کیں اور واضح کیا کہ یہ اقدام پرتگالی فٹبال فیڈریشن کے صدر سے گفتگو کے بعد کیا گیا ہے۔

کرسٹیانو رونالڈو نے اپنے بیان میں کہا: "قومی ٹیم کے کوچ کی پریس کانفرنس اور پرتگالی فٹبال فیڈریشن کے صدر سے بات چیت کے بعد میں نے قومی ٹیم کے کیمپ سے روانہ ہونے کا فیصلہ کیا ہے۔"

پرتگال کے کپتان نے مزید کہا کہ یہ فیصلہ اس معاملے پر ان کی آخری بات نہیں ہے اور وہ مناسب وقت پر واقعے کی تفصیلات سے آگاہ کریں گے۔

رونالڈو نے مزید کہا: "مناسب وقت پر میں تمام پرتگالی عوام کو سچائی بتاؤں گا کہ میں نے قومی ٹیم، جس کے لیے میں ہمیشہ وقف رہا ہوں، کیوں چھوڑی۔"