نیمار کی شاندار واپسی، ناقدین کو جشن سے جواب

برازیلی فٹبالر نیمار جونیئر نے حالیہ شدید تنقید کا جواب اپنی ٹیم سانتوس کے لیے پہلی میچ میں دیا، جو انہوں نے برازیل کے ورلڈ کپ 2026 سے اخراج کے بعد ملنے والی چھٹی کے بعد کھیلا۔

نیمار نے دو گول اسکور کیے اور اپنی ٹیم کو شاپیکوینسے کے خلاف 2-2 سے میچ برابر کرانے میں اہم کردار ادا کیا، تاہم سب کی توجہ ان کے پہلے گول کے بعد منفرد جشن پر مرکوز رہی۔

نیمار نے گول کے بعد پوکر کارڈز بانٹنے کی نقل کی، جو حالیہ دنوں میں ان پر ہونے والی عوامی اور میڈیا تنقید کا طنزیہ جواب تھا۔ یہ تنقید اس وجہ سے ہوئی کہ انہوں نے اپنی فٹبال ذمہ داریوں کے بجائے گیمنگ ہالز میں وقت گزارنا پسند کیا۔

ایکس پر مکمل ٹویٹ دیکھیں

نیمار کی پوکر چیمپئن شپ میں شرکت پر بحث

نیمار نے برازیل کی جانب سے بین الاقوامی فٹبال سے ریٹائرمنٹ کے اعلان کے ایک ہفتے بعد لاس ویگاس جا کر پروفیشنل پوکر چیمپئن شپ میں شرکت کی، جس پر برازیل میں شدید ردعمل سامنے آیا۔ یہ اعلان برازیل کی ناروے کے ہاتھوں 2-1 سے کوارٹر فائنل میں شکست کے بعد کیا گیا تھا۔

نیمار کی اس چیمپئن شپ میں شرکت سانتوس کی کوپا سودامریکانا کے ایک اہم میچ کے ساتھ ہوئی، جس پر شائقین اور اسپورٹس تجزیہ کاروں نے ناراضی کا اظہار کیا۔