ہالاند نے سر کے بال منڈوا کر مداحوں کو حیران کر دیا، گوارڈیولا کا دلچسپ تبصرہ

ناروے کے اسٹرائیکر ایرلنگ ہالاند نے انسٹاگرام پر اپنی نئی تصاویر شیئر کی ہیں، جن میں وہ اپنے سنہرے لمبے بالوں کو مکمل طور پر منڈوا کر بالکل نیا انداز اپنائے ہوئے نظر آتے ہیں۔ یہ تبدیلی انہوں نے انگلش پریمیئر لیگ کے سیزن 2026/2027 کے آغاز سے قبل کی ہے۔

چھببیس سالہ مانچسٹر سٹی کے کھلاڑی ہالاند نے تصاویر کے ساتھ لکھا: "چھوٹے بال، کوئی پروا نہیں۔"

ہالاند نے اپنے سابق کوچ پیپ گوارڈیولا سے ایک دلچسپ فون کال بھی کی، جس میں گوارڈیولا نے ان کے نئے ہیئر اسٹائل پر حیرت کا اظہار کرتے ہوئے کہا: "تم خوش قسمت ہو کہ تمہارے پاس بال ہیں جنہیں تم کاٹ سکتے ہو، کاش میرے پاس بھی بال ہوتے۔"

ہالاند نے اپنے سابق کوچ سے پوچھا کہ کیا وہ اس وقت فٹبال دیکھ رہے ہیں، جس پر گوارڈیولا نے جواب دیا کہ وہ اس وقت کچھ پڑھ رہے ہیں اور ساتھ ہی ٹوٹنہم اور برینٹفورڈ کا میچ دیکھ رہے ہیں۔

https://www.instagram.com/p/DcYKkUalmgT/?img_index=1&igsi=eG52MHl6dTg4aG1l

گوارڈیولا نے ہالاند کو تسلی دیتے ہوئے کہا کہ بال دوبارہ اگ آئیں گے، اس لیے فکر کی کوئی بات نہیں۔

ہالاند اس سیزن میں پہلی بار پریمیئر لیگ میں مانچسٹر سٹی کی جانب سے بورنموث کے خلاف اتحاد اسٹیڈیم میں اتوار کو میدان میں اترے۔