یوفا نے چیمپئنز لیگ کے لیے نئی فٹبال متعارف کرا دی

ادیداس اور یورپی فٹبال فیڈریشن (یوفا) نے یورپی چیمپئنز لیگ سیزن 2026-2027 کے لیے نئی سرکاری فٹبال متعارف کرا دی ہے، جو گروپ اسٹیج کے قرعہ اندازی سے قبل پیش کی گئی۔

نئی فٹبال کا ڈیزائن 1992 سے استعمال ہونے والی ستاروں والی گیندوں جیسا ہی ہے۔

یوفا کے مطابق اس ڈیزائن سے اس محنت اور کوشش کی عکاسی ہوتی ہے جو شائقین کی نظروں سے اوجھل رہتی ہے، مگر یہی محنت چیمپئنز کو جنم دیتی ہے۔ نئی فٹبال آئندہ سیزن کے گروپ اسٹیج میں استعمال کی جائے گی۔