رونالڈو کی یورپی نیشنز لیگ میں ناقص گراؤنڈ پر شکایت

النصر اور پرتگال کے اسٹار فٹبالر کرسٹیانو رونالڈو نے اسپورٹنگ کے الفالادی اسٹیڈیم کی ناقص گراؤنڈ پر شکایت کی ہے، ان کا کہنا تھا کہ اس وجہ سے وہ بہتر کارکردگی نہیں دکھا سکے، یہ میچ پرتگال اور ویلز کے درمیان یورپی نیشنز لیگ میں کھیلا گیا۔

پرتگال کے کپتان نے چالیسویں منٹ میں گول کرنے کی ناکام کوشش کے بعد گراؤنڈ کی حالت کو مورد الزام ٹھہرایا، انہوں نے کمزور شاٹ لگائی اور اپنی مایوسی چھپائے بغیر واضح طور پر گھاس کی خرابی کی نشاندہی کی۔

پرتگال نے یورپی نیشنز لیگ کے ٹائٹل کے دفاع کے آغاز میں ویلز کے خلاف جواو فیلکس کے واحد گول کی بدولت ایک صفر سے کامیابی حاصل کی۔