اماراتی شائقین کے لیے چھ خصوصی پروازیں، جدہ روانگی کی تمام نشستیں مکمل

اماراتی فٹبال ٹیم نے اعلان کیا ہے کہ جدہ میں سعودی عرب کے خلاف خلیجی کپ 'خلیجی 27' کے فائنل میں اپنی ٹیم کی حمایت کے لیے خصوصی پروازوں پر سفر کرنے والے شائقین کی مطلوبہ تعداد مکمل ہو چکی ہے۔

اماراتی فٹبال فیڈریشن نے شائقین کی سہولت اور ٹیم کی حمایت کے لیے چھ خصوصی طیارے جدہ بھیجنے کا انتظام کیا تھا، تاکہ زیادہ سے زیادہ مداح اس اہم میچ میں اپنی ٹیم کا حوصلہ بڑھا سکیں۔

یہ فیصلہ اس لیے کیا گیا ہے کہ منگل کو کنگ عبد اللہ اسپورٹس سٹی کے استاد الانماء میں ہونے والے فائنل میں دونوں ٹیمیں خلیجی ٹائٹل کے حصول کے لیے میدان میں اتریں گی۔

واضح رہے کہ اماراتی ٹیم اپنی تاریخ میں چوتھی بار فائنل میں پہنچی ہے، جس نے سیمی فائنل میں عمان کو ایک صفر سے شکست دی تھی۔

ایکس پر مکمل خبر دیکھیں

خلیجی کپ میں کامیابیوں کا ریکارڈ

یاد رہے کہ امارات نے یہ ٹائٹل دو بار، 2007 اور 2013 میں جیتا ہے، جبکہ سعودی ٹیم تین بار چیمپیئن رہ چکی ہے، آخری بار 2003 میں۔