امریکی لیگ میں حریف کو تھپڑ مارنے پر میسی پر جرمانہ

امریکی پروفیشنل فٹبال لیگ کی ڈسپلنری کمیٹی نے ارجنٹائنی اسٹار لیونیل میسی پر مالی جرمانہ عائد کیا ہے، یہ اقدام میچ کے دوران حریف کھلاڑی کو تھپڑ مارنے کے بعد کیا گیا۔

یہ واقعہ بدھ کے روز انٹر میامی اور فلاڈیلفیا یونین کے درمیان میچ میں پیش آیا، جہاں ایک تلخ کلامی کے بعد میسی نے فلاڈیلفیا کے فارورڈ کوئن سولیوان کے سر کے پچھلے حصے پر تھپڑ مارا۔

کمیٹی نے لیونیل میسی پر عائد جرمانے کی رقم ظاہر نہیں کی، البتہ یہ واقعہ اس میچ میں پیش آیا جو دو دو گول سے برابر رہا۔