سعودی بیچ فٹبال ٹیم کی بحرین پر شاندار فتح

سعودی عرب کی قومی بیچ فٹبال ٹیم نے دوستانہ میچ میں بحرین کو 2-4 سے شکست دے دی۔ یہ دونوں ٹیموں کے درمیان دوسرا دوستانہ میچ تھا، جو ہفتہ کی شام بحرین فٹبال ایسوسی ایشن کے بیچ فٹبال اسٹیڈیم میں کھیلا گیا۔ یہ میچ سعودی ٹیم کے بحرین میں جاری تربیتی کیمپ کا حصہ تھا، جو 12 اکتوبر تک جاری رہے گا۔ اس کیمپ کا مقصد 2026 ایشین بیچ فٹبال کپ کی تیاری ہے، جو 2027 کے ورلڈ کپ کے لیے کوالیفائنگ ایونٹ ہے۔

سعودی ٹیم کی جانب سے قاسم دیباجی، ولید الیوبی، خالد وہیب اور احمد الہامی نے گول اسکور کیے۔

میچ کے دوران ہیڈ کوچ، برازیلی قوقا زولوکووچ نے زیادہ تر کھلاڑیوں کو موقع دیا اور متعدد تبدیلیاں کیں۔ اس کے علاوہ مختلف کھیلنے کے انداز بھی آزمائے گئے تاکہ کھلاڑیوں کی فنی اور جسمانی تیاری کا جائزہ لیا جا سکے۔

واضح رہے کہ 2026 ایشین بیچ فٹبال کپ کے ڈرا میں سعودی ٹیم کو گروپ سی میں رکھا گیا ہے، جہاں اس کے ساتھ عمان، متحدہ عرب امارات اور ازبکستان کی ٹیمیں شامل ہیں۔