ہیری کین کی گولڈن بال ایوارڈ کی دوڑ میں سبقت

گولڈن بال 2026 ایوارڈ کے لیے عالمی فٹبال کے نمایاں ستاروں کے درمیان مقابلے پر سب کی نظریں مرکوز ہیں۔ یہ تقریب آئندہ 26 اکتوبر کو برطانوی دارالحکومت لندن میں منعقد ہوگی۔

میڈیا رپورٹس کے مطابق بائرن میونخ کے اسٹرائیکر ہیری کین، لامین یامال اور کیلیان ایمباپے پر واضح برتری کے ساتھ بیٹنگ کمپنیوں کی فہرست میں سرفہرست ہیں۔

ان اندازوں کے مطابق ایمباپے کی میڈیا میں سرگرمیاں تاحال ان کی نامزدگی کی پوزیشن پر اثرانداز نہیں ہوئیں۔

ہیری کین اپنی برتری برقرار رکھے ہوئے ہیں اور حالیہ عرصے میں کئی بیٹنگ ویب سائٹس کے مطابق ان کے جیتنے کے امکانات 43 فیصد تک بڑھ گئے ہیں۔ اس کی بڑی وجہ ان کی شاندار کارکردگی ہے، جنہوں نے 2025-2026 سیزن میں بائرن میونخ کے ساتھ 51 میچوں میں 61 گول کر کے یورپ کے بہترین اسٹرائیکر کا اعزاز حاصل کیا۔