حوثیوں سے نمٹنے کے لیے سفارت کاری کا راستہ کھلا ہے: وزیر خارجہ

وزیر خارجہ شہزادہ فیصل بن فرحان نے کہا ہے کہ حوثیوں سے نمٹنے کے لیے سفارت کاری کا راستہ اب بھی کھلا ہے، تاہم سعودی عرب حوثی حملوں کے خلاف اپنے دفاع میں کوئی تردد نہیں کرے گا۔

فیصل بن فرحان نے ماسکو میں اپنے روسی ہم منصب سرگئی لاوروف کے ساتھ مشترکہ پریس کانفرنس میں کہا کہ مملکت یمن اور اس کے عوام کی مشکلات سے بچنے کے لیے سفارتی حل پیش کر رہی ہے۔

وزیر خارجہ نے مزید کہا کہ ریاض کشیدگی سے گریز کی پالیسی پر عمل پیرا ہے اور یمنی بحران کے حل اور مملکت کے تحفظ کے لیے سفارتی کوششیں جاری رکھے ہوئے ہے۔