سعودی عرب خلیجی کپ کے فائنل میں، قطر کو پنالٹی پر شکست

سعودی عرب کی فٹبال ٹیم نے خلیجی کپ 27 کے فائنل میں رسائی حاصل کرلی ہے۔ سیمی فائنل میں قطر کے خلاف میچ مقررہ وقت میں برابر رہا، جس کے بعد فیصلہ پنالٹی شوٹ آؤٹ پر ہوا۔ اس مرحلے میں سعودی ٹیم نے کامیابی حاصل کی، جس میں گول کیپر محمد العویس نے نمایاں کارکردگی دکھائی۔

میچ کے دوران سعودی ٹیم نے جارحانہ کھیل پیش کیا اور گیند پر 53 فیصد قبضہ برقرار رکھا، جبکہ قطر کے حصے میں 47 فیصد رہا۔

سعودی ٹیم نے مجموعی طور پر چار بار گول کی کوشش کی، جن میں سے تین شاٹس قطر کے گول پر لگیں، جبکہ قطر صرف ایک بار ہی گول کی کوشش کرسکا اور پہلے ہاف میں اس کی کوئی کوشش گول پوسٹ پر نہیں گئی۔

کارنر کی بات کی جائے تو سعودی ٹیم کو پانچ کارنر ملے، جبکہ قطر کو صرف ایک کارنر ملا۔ تاہم اس برتری کے باوجود سعودی ٹیم مقررہ وقت میں گول نہ کرسکی۔

میچ برابر رہنے کے بعد فیصلہ پنالٹی شوٹ آؤٹ پر ہوا، جہاں محمد العویس کی شاندار کارکردگی کی بدولت سعودی عرب نے فائنل کا ٹکٹ حاصل کرلیا۔