بشکتاش اور دوسان ولاہووچ میں زبانی معاہدہ طے پا گیا

ترک فٹبال کلب بشکتاش نے سربین فارورڈ دوسان ولاہووچ کے ساتھ زبانی معاہدہ کر لیا ہے، جس کے تحت وہ جون 2029 تک ٹیم کا حصہ بنیں گے۔

اطالوی اسپورٹس صحافی اور ٹرانسفر مارکیٹ کے ماہر فابریزیو رومانو کے مطابق، معاہدہ تین سال کے لیے ہو گا اور رسمی کارروائیاں طبی معائنہ مکمل ہونے کے بعد آئندہ چند روز میں کی جائیں گی۔

اسی سلسلے میں بشکتاش کلب نے کھلاڑی کو آج ترکی بلانے کا منصوبہ بنایا ہے تاکہ وہ ضروری میڈیکل ٹیسٹ کروا کر معاہدے کو حتمی شکل دے سکیں۔

ایکس پر مکمل ٹویٹ دیکھیں

واضح رہے کہ دوسان ولاہووچ حالیہ برسوں میں نمایاں سربین اسٹرائیکرز میں شمار ہوتے ہیں اور وہ متعدد یورپی کلبز کی نمائندگی کر چکے ہیں۔